Pantun Bahasa Sasak (5) Manfaat Saling Tulung

Karya : Abu Akrom

Gansing Pitung leq Belanting
Dendeq lupaq ojok tuaq Amat
Saling tulung sangat penting
Adeq deang beban saq berat

Sampun midang leq Batu Kumbung
Jauq sangu tolang kedele
Lamun girang saling tulung
Pegawean jari becat selese

Dengan bajang leq desa mangkung
Kuat awaq angkat beton
Manfaat girang saling tulung
Tepererat hubungan besemeton

Maling kangkung dait ketujur
Pagawean salaq dait lenge
Saling tulung kance batur
Hemat tenage hemat biaye

Langan tiang bau tehubung
Lamun side mele beli kasur
Dengan girang saling tulung
Tande peduli ojok batur

Jakarta, 9 Jumadil Awal 1445 H/22 November 2023 M

LAINNYA

- Advertisment -

Khutbah
Khutbah Terbaru & Terlengkap

Terpopuler

#1

#2

#3

#4

#5

Kolom
Kirim Tulisan Anda Ke Kami